唔知大家有冇試過，有啲嘢發生咗，跟住瞓喺張床上邊有好多嘢諗，有好多情緒，然後一日又一日過去，慢慢形成失眠嘅問題？

喺心理學，其中一個理解失眠嘅理論，就係應用Pavlov conditioning —— 床成為緊張或其他感覺嘅提醒，個故事係咁：

鐘聲，提醒隻狗有嘢食，然後隻狗流口水，漸漸有鐘聲即使冇嘢食，隻狗都流口水；
所以瞓落床，開始諗一啲嘢，⁠身體有緊張嘅感覺，漸漸瞓落床即使冇諗緊張嘅嘢，身體都會經驗緊張嘅感覺。

所以瞓唔着嘅時候，試吓離開張床，做一啲呼吸嘅練習，希望張床同放鬆感覺聯繫，提示睡意！

希望大家今晚都會瞓得好啦！🥹🥹🥹