曾經參加過歌唱比賽，每次黎到比賽場地，都會心跳加速、呼吸加快。點樣面對好呢？

有人會話：
1. 「唔好理佢」（我做唔到添 😝）；
2. 嘗試控制或者抗拒呢啲感覺（但係會唔會好似喺浮沙掙扎一樣，越掙扎越沉得深？）；
3. 透過修習靜觀，觀察同埋接納身體反應（呢個真係幫到我 🥹🥹🥹）。

喺心理學上面，仲有另一個進路 —— 就係用另一角度，去詮釋我哋身體出現嘅反應。

當我哋有心跳加速、呼吸加快等等嘅身體反應時，我哋可以睇為係一種「興奮」，一種「期待」，可能係好想大展歌喉而「開心」，可能係一個千載難逢嘅機會，所以覺得好「雀躍」、「亢奮」。

唔知咁樣睇，我哋會唔會對成個經歷，有另一番嘅體會？

‍