返番工，勞累嗎？唔知大家呢幾日返工，會唔會同我一樣，覺得有啲勞累呢？

我邀請大家做一個動作，就係伸直隻手、攞高，跟住個膊頭向外拗。做完之後，你試吓感受一下膊頭周邊郁咗嘅肌肉。

有一啲心理學嘅理論話俾我哋知，原來我哋嘅肌肉扮演著唔同嘅角色，亦會傳送一啲訊息俾我哋嘅腦袋。頭先啱啱郁到嘅，我哋叫做 boundary muscle (界線肌肉）。

當我哋返番工嘅時候，可能我哋要聽電話，老細同我哋講好多嘢，同事又同我哋接觸，有好多嘅溝通、有好多嘅資訊、有好多嘅期望嚟到我哋度。

但係我哋唔係咁容易去say NO，抗拒呢啲資訊。所以，我哋可以嘗試喺身體嘅層面，郁返呢啲關於界線嘅肌肉，由身體入手，去感受返嗰種界線。

睇吓你做完呢啲動作之後，有冇舒服一啲！