Fire together wire together：如果見到一樣嘢，同時有驚嘅身體反應或感覺，影像就會喺神經系統裏面同「驚」連繫埋一齊，形成記憶。

所以，有啲小朋友細細個同蛇一齊成長，蛇嘅影像並冇同恐懼連繫，佢哋自然就唔會驚蛇。

如果「驚」嘅記憶，喺我哋好細個嘅時候形成，即係我哋語言發展未成熟，咁喺神經系統裏面，只有驚嘅影像同埋驚嘅感覺同身體反應連繫，並冇語言理解。

咁樣有機會形成大個咗之後，見到一啲嘢會覺得驚，但係講唔出點解咁驚。 唔知你哋有冇類似經驗呢？