當貓貓驚嘅時候，佢哋可能會匿喺床下底，貿貿然拉佢哋出嚟，佢哋就會反擊，但只要比足夠嘅時間，等佢哋感覺到安全，佢哋就會走番出嚟。其實人同貓都一樣，當經驗創傷嘅時候，可能想匿埋，亦都唔想貿貿然提起件事。不過人同貓唔同，人可以透過想像，好似虛擬實景咁樣，讓自己喺身體度經驗唔同嘅感覺，就好似我哋經歷創傷事件之中或之後，可以透過想像，讓自己稍稍經驗安全嘅感覺。Laurel Parnell, Ph.D., EMDR 專家指出，我哋可以想像 protective figure，去經驗 protective quality，讓自己 calm down落嚟。當你瞌埋眼，想像一啲讓你感覺安全嘅人、事、動物，或者屬靈形象嘅時候，你嘅身體有啲乜嘢改變呢？